Elektr ta'minoti

“OBOD QISHLOQ” VA “OBOD MAHALLA” DASTURLARINI JAMOATCHILIK FIKRI ASOSIDA TASHABBUSLI BUDJETLASHTIRISH JARAYONLARI ORQALI AMALGA OSHIRISH TARTIBI TO‘G‘RISIDAGI NIZOMNI TASDIQLASH HAQIDA O‘zbekiston Respublikasi Prezidentining “2022 — 2026-yillarga mo‘ljallangan Yangi O‘zbekistonning taraqqiyot strategiyasini “Insonga e’tibor va sifatli ta’lim yili”da amalga oshirishga oid davlat dasturi to‘g‘risida” 2023-yil 28-fevraldagi PF-27-son Farmoni hamda “Jamoatchilik fikri asosida shakllantirilgan loyihalarni moliyalashtirish ko‘lamini kengaytirish chora-tadbirlari to‘g‘risida” 2022-yil 25-oktabrdagi PQ-409-son qarori ijrosini ta’minlash maqsadida Vazirlar Mahkamasi qaror qiladi: 1. Quyidagilar: “Obod qishloq” va “Obod mahalla” dasturlari (keyingi o‘rinlarda — dasturlar) doirasida moliyalashtiriladigan tadbirlar 2023-yildan boshlab jamoatchilik fikri asosida “Ochiq budjet” axborot portali orqali ovoz berish yo‘li bilan aniqlanishi; dasturlar doirasida jamoatchilik fikri asosida “Ochiq budjet” axborot portali orqali keyingi yil uchun tadbirlarni shakllantirish va ularga ovoz berish jarayoni — har yili noyabr-dekabr oylarida o‘tkazilishi; 2023-yilga mo‘ljallangan dasturlarni tashabbusli budjetlashtirish jarayonlari orqali shakllantirish, loyihalar to‘plami uchun ajratiladigan mablag‘larning cheklangan miqdori 8 mlrd so‘m etib belgilanganligi, dasturlarni moliyalashtirish uchun har yili Davlat budjetidan kamida 4 trln so‘m mablag‘ yo‘naltirilishi nazarda tutilganligi ma’lumot uchun qabul qilinsin. 2. “Obod qishloq” va “Obod mahalla” dasturlarini jamoatchilik fikri asosida tashabbusli budjetlashtirish jarayonlari orqali amalga oshirish tartibi to‘g‘risidagi nizom ilovaga muvofiq tasdiqlansin. 3. Iqtisodiyot va moliya vazirligi kelgusi yillar uchun har yili 1-noyabrga qadar Davlat budjetining tasdiqlangan ko‘rsatkichlaridan kelib chiqib, hududlar bo‘yicha yo‘naltiriladigan kapital qo‘yilmalarning eng yuqori chegaralarini belgilagan holda ularni Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklariga taqdim etib borsin. Bunda: hududlar bo‘yicha yo‘naltiriladigan kapital qo‘yilmalar hududlar bo‘yicha har bir tuman va shahardagi mavjud aholi hamda mahallalar soniga nisbatan teng ulushlarda, lekin 8 mlrd so‘mdan kam bo‘lmagan miqdorlarda taqsimlanadi; har yili 1-yanvar holatiga ko‘ra tumanlar (shaharlar) bo‘yicha mavjud aholi va mahallalar soni, ularning nomlanishi va tarkibidagi mavjud mahallalar (qishloqlar) to‘g‘risidagi ma’lumotlar Kambag‘allikni qisqartirish va bandlik vazirligi tomonidan taqdim etiladi. 4. Belgilab qo‘yilsinki, tanlab olingan tadbirlarni amalga oshirish uchun talab etiladigan mablag‘lar miqdori loyiha-smeta hujjatlari bo‘yicha aniqlashtiriladi. Bunda loyiha-smeta hujjatlari bo‘yicha aniqlashtirilgan mablag‘lar miqdori tumanlar (shaharlar) hokimliklari huzuridagi “Obod qishloq” va “Obod mahalla” dasturlari doirasida loyihalar to‘plamini shakllantirish, baholash hamda ularning mezonlarga mosligini muvofiqlashtirish bo‘yicha maxsus komissiya (keyingi o‘rinlarda — Maxsus komissiya) tomonidan aniqlangan dastlabki miqdordan oshib ketgan taqdirda, talab etiladigan qo‘shimcha mablag‘lar tegishli loyihalar to‘plami tarkibidagi boshqa tadbirlardan iqtisod qilingan mablag‘lar yoki “G‘olib mahalla” jamg‘armasidagi (keyingi o‘rinlarda — jamg‘arma) mavjud mablag‘lar hisobidan, shuningdek, Qoraqalpog‘iston Respublikasi Jo‘qorg‘i Kengesi, xalq deputatlari viloyat va Toshkent shahar kengashlari qaroriga asosan tegishlicha Qoraqalpog‘iston Respublikasi respublika budjeti, viloyatlar va Toshkent shahar mahalliy budjetlarining qo‘shimcha manbalari hisobidan qoplanadi. 5. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari: g‘olib mahallalar (qishloqlar) aniqlangandan so‘ng bir hafta muddatda mazkur mahallalar (qishloqlar) hududida xo‘jalik birlashmalari, aholi va tashabbuskor tadbirkorlar mablag‘lari, homiylik xayriyalari, tijorat banklari kreditlari va qonunchilik hujjatlarida taqiqlanmagan boshqa manbalar hisobidan amalga oshiriladigan qurilish-ta’mirlash va obodonlashtirish ishlarining manzilli ro‘yxatini tasdiqlash uchun Vazirlar Mahkamasiga kiritsin; Qurilish va uy-joy kommunal xo‘jaligi vazirligi bilan birgalikda bir oy muddatda g‘olib mahalla (qishloq)ning bosh reja sxemalari, batafsil rejalashtirish loyihalari hamda mahalla va qishloqlar markazining zamonaviy qiyofasi loyihalarining loyiha tashkilotlari tomonidan ishlab chiqilishini va ular bilan bog‘liq tadbirlar tegishli mahalliy budjetlar mablag‘lari hisobidan moliyalashtirilishini ta’minlasin; har chorak yakuni bo‘yicha keyingi oyning 25-sanasiga qadar jamoatchilik fikri asosida shakllantirilgan dasturlar tadbirlarini moliyalashtirish bo‘yicha ma’lumotlarni o‘z rasmiy veb-saytlari va “Ochiq budjet” axborot portaliga joylashtirib borsin; har oy yakuni bo‘yicha dasturlar doirasida bajarilgan ishlar va moliyalashtirilgan mablag‘lar yuzasidan Iqtisodiyot va moliya vazirligiga hisobot berib borsin. 6. Raqamli texnologiyalar vazirligi, Energetika vazirligi, “Hududiy elektr tarmoqlari” AJ, “Hududgazta’minot” AJ va tegishli tarmoq korxonalari g‘olib mahalla (qishloq) hududida elektr energiyasi, tabiiy gaz, telekommunikatsiya tarmoqlarini qurish-ta’mirlash ishlarini tegishlicha “Hududiy elektr tarmoqlari” AJ, “Hududgazta’minot” AJ, “O‘zbektelekom” AKning o‘z mablag‘lari hisobidan moliyalashtirish choralarini ko‘rsin. Bunda elektr va gaz tarmoqlarini loyihalashtirish, soha ekspertizasidan o‘tkazish va qurilish-ta’mirlash ishlari “Hududiy elektr tarmoqlari” AJ va “Hududgazta’minot” AJning hududiy tashkilotlari tomonidan xo‘jalik usulida (tashkilotlarning o‘zlari tomonidan loyihalashtirish, soha ekspertizasidan o‘tkazish, qurilish-montaj ishlarini bajarish) amalga oshiriladi. 7. Iqtisodiyot va moliya vazirligi dasturlar ijrosini tahlil qilsin va har oyda O‘zbekiston Respublikasi Vazirlar Mahkamasi hamda O‘zbekiston Respublikasi Prezidenti Administratsiyasiga axborot kiritib borsin. 8. Belgilansinki, dasturlar doirasida amalga oshiriladigan ishlar bo‘yicha quyidagi nazorat tizimi yo‘lga qo‘yiladi: Qurilish va uy-joy kommunal xo‘jaligi sohasida nazorat inspeksiyasi, Yo‘l-qurilish ishlari sifatini nazorat qilish inspeksiyasi — qurilish-ta’mirlash ishlarining sifati, shaharsozlik faoliyatini texnik jihatdan tartibga solish sohasidagi normativ hujjatlarga rioya etilishi yuzasidan davlat arxitektura-qurilish nazoratini; Davlat moliyaviy nazorati inspeksiyasi — dasturlar doirasida ajratilayotgan mablag‘larning maqsadli va samarali ishlatilishi yuzasidan tizimli davlat moliyaviy nazoratini amalga oshiradi. 9. O‘zbekiston Milliy teleradiokompaniyasi va O‘zbekiston Milliy axborot agentligiga mahalliy ijro etuvchi hokimiyat organlari bilan birgalikda dasturlardagi tadbirlar orqali aholi uchun munosib turmush sharoitini yaratish bo‘yicha amalga oshirilayotgan ishlarni ommaviy axborot vositalarida keng yoritib borilishini ta’minlash tavsiya etilsin. 10. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari A.J. Ramatov va J.A. Qo‘chqorov zimmasiga yuklansin. O‘zbekiston Respublikasining Bosh vaziri A. ARIPOV

“OBOD QISHLOQ” VA “OBOD MAHALLA” DASTURLARINI JAMOATCHILIK FIKRI ASOSIDA TASHABBUSLI BUDJETLASHTIRISH JARAYONLARI ORQALI AMALGA OSHIRISH TARTIBI TO‘G‘RISIDAGI NIZOMNI TASDIQLASH HAQIDA

O‘zbekiston Respublikasi Prezidentining “2022 — 2026-yillarga mo‘ljallangan Yangi O‘zbekistonning taraqqiyot strategiyasini “Insonga e’tibor va sifatli ta’lim yili”da amalga oshirishga oid davlat dasturi to‘g‘risida” 2023-yil 28-fevraldagi PF-27-son Farmoni hamda “Jamoatchilik fikri asosida shakllantirilgan loyihalarni moliyalashtirish ko‘lamini kengaytirish chora-tadbirlari to‘g‘risida” 2022-yil 25-oktabrdagi PQ-409-son qarori ijrosini ta’minlash maqsadida Vazirlar Mahkamasi qaror qiladi:

1. Quyidagilar:

“Obod qishloq” va “Obod mahalla” dasturlari (keyingi o‘rinlarda — dasturlar) doirasida moliyalashtiriladigan tadbirlar 2023-yildan boshlab jamoatchilik fikri asosida “Ochiq budjet” axborot portali orqali ovoz berish yo‘li bilan aniqlanishi;

dasturlar doirasida jamoatchilik fikri asosida “Ochiq budjet” axborot portali orqali keyingi yil uchun tadbirlarni shakllantirish va ularga ovoz berish jarayoni — har yili noyabr-dekabr oylarida o‘tkazilishi;

2023-yilga mo‘ljallangan dasturlarni tashabbusli budjetlashtirish jarayonlari orqali shakllantirish, loyihalar to‘plami uchun ajratiladigan mablag‘larning cheklangan miqdori 8 mlrd so‘m etib belgilanganligi, dasturlarni moliyalashtirish uchun har yili Davlat budjetidan kamida 4 trln so‘m mablag‘ yo‘naltirilishi nazarda tutilganligi ma’lumot uchun qabul qilinsin.

2. “Obod qishloq” va “Obod mahalla” dasturlarini jamoatchilik fikri asosida tashabbusli budjetlashtirish jarayonlari orqali amalga oshirish tartibi to‘g‘risidagi nizom ilovaga muvofiq tasdiqlansin.

3. Iqtisodiyot va moliya vazirligi kelgusi yillar uchun har yili 1-noyabrga qadar Davlat budjetining tasdiqlangan ko‘rsatkichlaridan kelib chiqib, hududlar bo‘yicha yo‘naltiriladigan kapital qo‘yilmalarning eng yuqori chegaralarini belgilagan holda ularni Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklariga taqdim etib borsin.

Bunda:

hududlar bo‘yicha yo‘naltiriladigan kapital qo‘yilmalar hududlar bo‘yicha har bir tuman va shahardagi mavjud aholi hamda mahallalar soniga nisbatan teng ulushlarda, lekin 8 mlrd so‘mdan kam bo‘lmagan miqdorlarda taqsimlanadi;

har yili 1-yanvar holatiga ko‘ra tumanlar (shaharlar) bo‘yicha mavjud aholi va mahallalar soni, ularning nomlanishi va tarkibidagi mavjud mahallalar (qishloqlar) to‘g‘risidagi ma’lumotlar Kambag‘allikni qisqartirish va bandlik vazirligi tomonidan taqdim etiladi.

4. Belgilab qo‘yilsinki, tanlab olingan tadbirlarni amalga oshirish uchun talab etiladigan mablag‘lar miqdori loyiha-smeta hujjatlari bo‘yicha aniqlashtiriladi.

Bunda loyiha-smeta hujjatlari bo‘yicha aniqlashtirilgan mablag‘lar miqdori tumanlar (shaharlar) hokimliklari huzuridagi “Obod qishloq” va “Obod mahalla” dasturlari doirasida loyihalar to‘plamini shakllantirish, baholash hamda ularning mezonlarga mosligini muvofiqlashtirish bo‘yicha maxsus komissiya (keyingi o‘rinlarda — Maxsus komissiya) tomonidan aniqlangan dastlabki miqdordan oshib ketgan taqdirda, talab etiladigan qo‘shimcha mablag‘lar tegishli loyihalar to‘plami tarkibidagi boshqa tadbirlardan iqtisod qilingan mablag‘lar yoki “G‘olib mahalla” jamg‘armasidagi (keyingi o‘rinlarda — jamg‘arma) mavjud mablag‘lar hisobidan, shuningdek, Qoraqalpog‘iston Respublikasi Jo‘qorg‘i Kengesi, xalq deputatlari viloyat va Toshkent shahar kengashlari qaroriga asosan tegishlicha Qoraqalpog‘iston Respublikasi respublika budjeti, viloyatlar va Toshkent shahar mahalliy budjetlarining qo‘shimcha manbalari hisobidan qoplanadi.

5. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari:

g‘olib mahallalar (qishloqlar) aniqlangandan so‘ng bir hafta muddatda mazkur mahallalar (qishloqlar) hududida xo‘jalik birlashmalari, aholi va tashabbuskor tadbirkorlar mablag‘lari, homiylik xayriyalari, tijorat banklari kreditlari va qonunchilik hujjatlarida taqiqlanmagan boshqa manbalar hisobidan amalga oshiriladigan qurilish-ta’mirlash va obodonlashtirish ishlarining manzilli ro‘yxatini tasdiqlash uchun Vazirlar Mahkamasiga kiritsin;

Qurilish va uy-joy kommunal xo‘jaligi vazirligi bilan birgalikda bir oy muddatda g‘olib mahalla (qishloq)ning bosh reja sxemalari, batafsil rejalashtirish loyihalari hamda mahalla va qishloqlar markazining zamonaviy qiyofasi loyihalarining loyiha tashkilotlari tomonidan ishlab chiqilishini va ular bilan bog‘liq tadbirlar tegishli mahalliy budjetlar mablag‘lari hisobidan moliyalashtirilishini ta’minlasin;

har chorak yakuni bo‘yicha keyingi oyning 25-sanasiga qadar jamoatchilik fikri asosida shakllantirilgan dasturlar tadbirlarini moliyalashtirish bo‘yicha ma’lumotlarni o‘z rasmiy veb-saytlari va “Ochiq budjet” axborot portaliga joylashtirib borsin;

har oy yakuni bo‘yicha dasturlar doirasida bajarilgan ishlar va moliyalashtirilgan mablag‘lar yuzasidan Iqtisodiyot va moliya vazirligiga hisobot berib borsin.

6. Raqamli texnologiyalar vazirligi, Energetika vazirligi, “Hududiy elektr tarmoqlari” AJ, “Hududgazta’minot” AJ va tegishli tarmoq korxonalari g‘olib mahalla (qishloq) hududida elektr energiyasi, tabiiy gaz, telekommunikatsiya tarmoqlarini qurish-ta’mirlash ishlarini tegishlicha “Hududiy elektr tarmoqlari” AJ, “Hududgazta’minot” AJ, “O‘zbektelekom” AKning o‘z mablag‘lari hisobidan moliyalashtirish choralarini ko‘rsin.

Bunda elektr va gaz tarmoqlarini loyihalashtirish, soha ekspertizasidan o‘tkazish va qurilish-ta’mirlash ishlari “Hududiy elektr tarmoqlari” AJ va “Hududgazta’minot” AJning hududiy tashkilotlari tomonidan xo‘jalik usulida (tashkilotlarning o‘zlari tomonidan loyihalashtirish, soha ekspertizasidan o‘tkazish, qurilish-montaj ishlarini bajarish) amalga oshiriladi.

7. Iqtisodiyot va moliya vazirligi dasturlar ijrosini tahlil qilsin va har oyda O‘zbekiston Respublikasi Vazirlar Mahkamasi hamda O‘zbekiston Respublikasi Prezidenti Administratsiyasiga axborot kiritib borsin.

8. Belgilansinki, dasturlar doirasida amalga oshiriladigan ishlar bo‘yicha quyidagi nazorat tizimi yo‘lga qo‘yiladi:

Qurilish va uy-joy kommunal xo‘jaligi sohasida nazorat inspeksiyasi, Yo‘l-qurilish ishlari sifatini nazorat qilish inspeksiyasi — qurilish-ta’mirlash ishlarining sifati, shaharsozlik faoliyatini texnik jihatdan tartibga solish sohasidagi normativ hujjatlarga rioya etilishi yuzasidan davlat arxitektura-qurilish nazoratini;

Davlat moliyaviy nazorati inspeksiyasi — dasturlar doirasida ajratilayotgan mablag‘larning maqsadli va samarali ishlatilishi yuzasidan tizimli davlat moliyaviy nazoratini amalga oshiradi.

9. O‘zbekiston Milliy teleradiokompaniyasi va O‘zbekiston Milliy axborot agentligiga mahalliy ijro etuvchi hokimiyat organlari bilan birgalikda dasturlardagi tadbirlar orqali aholi uchun munosib turmush sharoitini yaratish bo‘yicha amalga oshirilayotgan ishlarni ommaviy axborot vositalarida keng yoritib borilishini ta’minlash tavsiya etilsin.

10. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari A.J. Ramatov va J.A. Qo‘chqorov zimmasiga yuklansin.

O‘zbekiston Respublikasining Bosh vaziri A. ARIPOV

1704948965.jpg

Elektr ta'minoti

View

Download

Tender link